حواديت سمية سميه عبدالسلام

منقبة ! انا اتجوز منقبة !!
يابني اسمها منتقبة ماتفضحناش.
اهو اول القصيدة كفر ده انا حتى مش عارف الفرق بينهم.
ومالها بس المنتقبة مش بني ادمة زينا اي عيبها
عيبها انها بنت ناس.
يعني انت اللي ابن كلب.
العفو ياماما ماقصدش بس دول ناس متربيين.
عندك حق انا فعلا معرفتش اربيك.
قصدي انهم بيكونوا شاربين الدين بالمعلقة من صغرهم في حين ان انا بشرب جهينة عصير فراولة.
وهي دي حاجة وحشة.
وحشة لما تكون عارفة كل حاجة في الدين وانا اقصى معلوماتي ان اللي بيكدب بيخش الڼار
يعني انت موقفنا في الشارع مش راضي تدخلنا عند الناس اللي مستناينا عشان تعرفني انك ناقص.
اي ناقص دي.
ناقص دين.
لأ اللفظ ده مضايقني.
ده انا اللي

هضايقك لو ما لمتش نفسك ودخلنا للناس.
طب استني اراجع على السريع غزوات الرسول.
عليه افضل الصلاة والسلام يابني انت رايح تخطب ولا تجاهد.
دخلنا وانا مش عارف الكلام بينا هيكون شكله اي او اي اللي هيتهم على طول بسمع عن المنتقبات دول من صحابي انهم خنقة وعالم تاني منفصل على العالم بتاعنا مش بيعرفوا يضحكوا والابتسامة عندهم حرام لحد ما بقيت لما اشوفهم في طريق الف وامشي من طريق تاني
وكل كلامهم بيكون بالفصحى مش زينا كده لدرجة اني تخيلت اول ما اقولها ازيك هتقولي خسئت ياعمر ماعرفش مين عمر ده بس انا بسمعها في الافلام كده بس ازاي مدرب جيم يتجوز منتقبة ده انا خاېف تشوفني مرة بالشورت تخرجني من الاسلام.
دخلنا واتعرفنا على اهلها اللي كانوا لطاف جدا ماعدا خالها كان شكله مريب وهو بيبصلي وبيبستم ابتسامة مستفزة زي ما يكون قرفان مني بس ازاي وانا راشش من البرفان قبل ما اخرج
لقيته قرب وقعد جمبي وانا لزقت في امي اكتر..
انت العريس
كلك نظر ماهو لو مش انا اكيد مش أمي.
انت تعرف الفرق بين سيف الله المسلول وسيف الله المختار.
هو في فرق بينهم ماحدش قالي.
مين هما الائمة الاربعة.
مين
لأ انا اللي بسألك.
دول قرايبكم.
ضحك وطبطب او رزع على ضهري بمعني اصح وقال 
طب اوعى تنسى تعزمهم على الفرح.
هو خلص جملته من هنا وماټ على روحه من الضحك من هنا اني افهم بيضحك ليه مش فاهم.
ممكن اسأل حضرتك سؤال.
اتفضل.
هو حضرتك ليه منشكح كده.
يابني هو في حد بيشوف بلياتشو كل يوم.
حسيت ان قصده بالبلياتشو ده انا بس ماعلقتش كلهم خرجوا ودخلت هي رمت السلام رديت عليها وهي قعدت قصادي ماتكلمتش واستنيت انها ترفع النقاب مرفعتش وبسبب توتري قلت 
مش هتقلعي.
كانت منزلة راسها واول ما قلت الكلمة دي بصتلي بعينيها اللي بتنور في الضلمة ودي مش
كناية عن جمال عيونها لا دي عيونها بتنور في الضلمة فعلا لانها بتبحلقلي.
النقاب... وعهد الله قصدي النقاب بس خلاص ممكن تخليك بيه عادي.
حسيت انها ضحكت على كلامي واتأكدت لما رفعت النقاب ملامحها عادية ومقبولة مش الجمال المبهر يعني بس في نفس الوقت مريحة افتكرت كلام صحابي وانها بتتكلم بالفصحى قلت ابدأ انا عشان تفهم اني مثقف وواد مافيش مني.