حواديت سمية سميه عبدالسلام

كيف حالك سيدتي.
حضرتك ابو جهل ولا حضرتك عبيط ولا انت اي حكايتك.
في اللحظة دي احب اسمع سامو زين جدا
اعتذرت عن تلقائيتها معايا وبدأت تسألني اسئلة عادية عن الصلاة وشغلي وتعاملي مع اهلي في البيت
لو حابب تعرف عني حاجة ممكن تسأل عادي.
هو خلاص كده.
اي ده اللي خلاص.
الأسئلة... انا كنت عامل حسابي اني هسمع اركان الدين الخمسة.
طبعا هي معرفتش ترد عليا تقول اي من كتر الضحك وانا ما عليا غير اني ابصلها ومش فاهم ما انا لو افهم سر ضحكهم ده هرتاح والله.
طلبوا اسبوع عشان يردوا وانا قلت حلو طالما المدة طولت يبقا اكيد هترفض اصل هتوافق عليا ليه دي ده انا اللي كنت متوتر مش هي بس الغريب انها وافقت فعلا.
تاني زيارة كانت الاتفاقات وبسبب الزحمة ماعرفتش اقعد معاها بس في تالت زيارة قررت اسألها اي خلاها توافق على واحد زيي.
ممكن اجاوبك بس بعد العقد.
عقد اي

لمؤخذة.
العقد عقد القران.
ياصلاة النبي فهمت انا كده ده زي لما حمادة هلال قال شهداء 25 يناير ماتوا في أحداث يناير ليه هو كان حد قال انهم ماتوا في شم النسيم.
وطلع العقد ده اللي هو كتب الكتاب وهنا فهمت قصد خالها اي بأني بلياتشو وهو اني غبي.
وعرفت ليه وافقت عليا مانكش سر حربي قالت انها ارتاحت لما صلت استخارة واني لفت نظرها اكتر في حركة انا عملتها بس كنت شايف انها عادية يعني وهي لما كانوا بيتفقوا العشا اذنت وانا استأذنت منهم اروح المسجد اصلي وارجع تاني صح انا مش متدين بس اساسيات الدين متربي عليها من صغري زي الصلاة والصوم واني اطلع حاجة لوجه الله طلع الموضوع عندهم ابسط من كده بكتير وانهم مش محتاجين اكتر من حد يتق الله فيهم ويعاملهم بمودة ورحمة.
وبعد كتب الكتاب اتفأجات بشخصية تانية خالص شخصية مرحة وبتحب الهزار والمقالب زينا عادي وعلى سيرة المقالب كنت في مرة زيارة عندهم وخالها جه سلم عليا وحكالي قصة كده عن عروسة لعبة بتاعت طفلة والطفلة دي ماټت وروحها سكنت العروسة دي وكل فترة والتانية العروسة دي بتظهر لشخص كان نفسي افهمه اني اساسا بخاف من العرايس العادية مش عروسة لابسها عفريت.
بس مافهمتش بيحكيلي حاجة زي كده ليه وبعدها دخل عشان ينده على زوجتي فضلت
مستني خمس دقايق والنور قطع طلعت الفون ونورت الفلاش والاقي حاجة قصيرة بتدخل من الباب ولما ركزت لقيت فعلا عروسة ماشية بتتحرك ناحيتي ومبتسمة وقالت 
ازيك ياحمادة.
هي قالت ازيك ياحمادة من هنا وانا عملتها على روحي من هنا بعدها دخلت زوجتي هي وخالها هيموتوا من الضحك.
احمد
انت كويس شكلك اټخضيت.
لأ خالص بس هو الحمام فين.
اوقات كتير كنت بستغرب من ان الشخصية المرحة اللي بتحب الهزار دي هي نفسها الشخصية الجد والصارمة لما تكون برى البيت وان النقاب ده ماهو الا جزء من الحجاب عشان تحجب نفسها عن اي حد غير محارمها وان الزوج اللي هو انا انا الوحيد اللي مسموح ليا اني اشوفها بكامل زينتها كنت ببتسم تلقائي كل ما الفكرة دي تيجي على بالي وعلى فكرة ده الصح وده الدين اللي بدأت اعرف عنه اكتر بسببها.
ده انا حفظت القرآن بفضل الله ثم هي وبقيت اصلي الفجر في المسجد.
احمد انا عايزاك تربي دقنك.
اشمعنا.
عشان عايزاك تكون ملتحي ومن النساء تستحي.
والله انا اللي استحي من صحابي العرر اللي كنت اعرفهم وحمدت ربنا اني ماسمعتش كلامهم والا كنت ضيعت من ايدي احلى حاجة حصلتلي واه انا اتجوزت المنقبة اسف المنتقبة ما انا خلاص عرفت الفرق بينهم وبالمناسبة دي عرفت مين هما الائمة الاربعة اللي كنت ناوي اعزمهم على فرحي.
اوعى تمشي من غير ما تسيب اثر ويهمني جدا اعرف رأيكم في الحدوتة لأنه بيفرق معايا عشان اكمل
سميه_عبدالسلام.